Heimilistengingar

Ljósleiðaratenging er hágæðasamband sem uppfyllir kröfur nútíma heimilis og rúmlega það! Hraði netsambandsins er slíkur að mörg snjalltæki, tölvur og sjónvörp geta hlaðið niður efni á sama tíma án þess að það hafi áhrif á gæði streymis. Með ljósleiðaratengingu getur þú því verið með öflugt netsamband, sjónvarp og heimasíða. 

VERÐSKRÁ HEIMILISTENGINGA

Öll verð eru með vsk.

Frá 01.01.2019 verður mánaðarlegt línugjald Ljósleiðarans til heimila er 3.150,- kr. 
Þetta á við þar sem ljósleiðara heimtaugar eru í eigu Tengis og húsnæði er skráð lögheimili íbúa með heilsárs búsetu. Tengir rekur einnig ljósleiðaranet sem eru í eigu annarra aðila og þar getur átt við önnur verðskrá. Við aðgangsgjald getur bæst við kostnaður vegna innheimtu eftir því sem við á. Sjá nánar innheimtumöguleika.
  

ENDURVIRKJUNARGJALD

Ef viðskiptavinur ákveður að segja upp þjónustunni, hvort sem er tímabundið eður ei, þurfum við að senda tæknimann til að aftengja ljósleiðaratenginguna. Ef/þegar viðskiptavinur óskar eftir endurtengingu, þarf því að greiða endurvirkjunargjald og við sendum tæknimann aftur á staðinn til að tengja ljósleiðarann að nýju. Þetta gjald er ekki innheimt vegna enduvirkjunar á Akureyri, þar sem slíkar endurtengingar fela í sér talsvert lægri tilkostnað.

• Endurvirkjunargjald á Akureyri: Ekkert.
• Endurvirkjunargjald utan Akureyrar: 31.000,- kr., ef fasteign er staðsett innan 25 km radíus frá Akureyri. 
• Akstursgjald: 195,- kr/km, bætist við eftir 25 km.

Fyrirtækjatengingar

Fyrirtækjatenging um ljósleiðara Tengis er öflug tenging sem ætluð er fyrir rekstraraðila fyrirtækja, lítilla, meðalstórra eða stórra. Fyrirtækjatengingar hafa hærra þjónustustig en heimilistengingar og er bilanavakt til staðar allan sólarhringinn í síma 893-1707

VERÐSKRÁ FYRIRTÆKJATENGINGA 

Öll verð eru án vsk.

Heimtaug Þjónustustig 2: Ætlaðar fyrir rekstraraðila og lítil fyrirtæki:

1. SB mánaðargjald heimtaugar: 7.465,- kr.

Heimtaug Þjónustustig 1:  Einn þráður eða tveir í heimtaug. Ætlaðar fyrir stofnsambönd, fjarskiptastaði, meðalstór og stórfyrirtæki: 

2. CF-Metro mánaðargjald heimtaugar:  11.500,- kr.

3. DF-Metro mánaðargjald heimtaugar: 16.500,- kr.

Stofnsambönd milli tengistöðva þjónustustig 1:

Ljósleiðari milli stöðva í þéttbýli eitt par. Verð pr. km 20.528,- kr 

Ljósleiðari milli stöðva í dreifbýli eitt par. Verð pr. km 8.850,- kr

Ljósleiðari milli stöðva í þéttbýli einn þráður. Verð pr. km 17.484,- kr

Ljósleiðari milli stöðva í dreifbýli einn þráður. Verð pr. km 7.538,- kr

Mögulega er veittur afsláttur af verði í samræmi við umfang og endursölu fjarskiptafyrirtækja. Verð eiga við þar sem ljósleiðaraheimtaugar eru í eigu Tengis hf. Greiðslugjald bætist við í samræmi við greiðsluleið og verðskrá. Hægt er að óska eftir tilboðum í ljósleiðarasambönd með því að senda tölvupóst á tengir@tengir.is

Frístundahús

Ef þú tekur þægindin sem fylgja ljósleiðaratengingu með þér í sveitina, gefur það þér tækifæri til að stunda nám eða vinnu þrátt fyrir að vera að heiman. Þú ert kominn með tryggt fjarskiptasamband og getur horft á sjónvarp, Netflix, YouTube eða hvað annað sem hugurinn girnist! Staðsetning þín er ekki lengur fyrirstaða! 

VERÐSKRÁ FRÍSTUNDAHEIMILISTENGINGA

Öll verð eru með vsk.

Frá 01.01.2019 verður mánaðarlegt línugjald Ljósleiðarans til heimila er 3.150,- kr. 

Þetta á við þar sem ljósleiðaraheimtaugar eru í eigu Tengis. Tengir rekur einnig ljósleiðaranet sem eru í eigu annarra aðila og þar getur átt við önnur verðskrá.

ENDURVIRKJUNARGJALD

Ef viðskiptavinur ákveður að segja upp þjónustunni, hvort sem er tímabundið eður ei, þurfum við að senda tæknimann til að aftengja ljósleiðaratenginguna. Ef/þegar viðskiptavinur óskar eftir endurtengingu, þarf því að greiða endurvirkjunargjald og við sendum tæknimann aftur á staðinn til að tengja ljósleiðarann að nýju. 

• Endurvirkjunargjald utan Akureyrar: 31.000,- kr., ef fasteign er staðsett innan 25 km radíus frá Akureyri. 
• Akstursgjald: 195,- kr/km, bætist við eftir 25 km.

Stofnkostnaður ljósleiðaratenginga

Þegar ljósleiðari er settur inn á heimili, fyrirtæki eða frístundahús þarf að greiða stofnkostnað til að standa undir hluta kostnaðar við framkvæmdina, en lagning ljósleiðara er tímafrekt verkefni sem felur í sér mikla undirbúningsvinnu áður en jarðvegsframkvæmdir hefjast og ljósleiðari er að endingu tilbúinn til notkunar inni í fasteign. Á þessu tímabili, áður en jarðvegsframkvæmdir hefjast, er húseiganda sendur reikningur fyrir stofnkostnaði en hann verður að vera greiddur áður en ljósleiðarinn er tengdur og tilbúinn til notkunar. 

Innifalið í stofnkostnaði er vinna á staðnum, m.a. jarðvegsvinna vegna lagningar ljósleiðarans allt að 100 metrar, rör/ljósleiðari settur inn í hús og frágangur á ljósbreytu innanhúss.

Kostnaður til heimila innan Akureyrar er fastur, en kostnaðurinn er ólíkur eftir því hvernig fasteign er um að ræða. Kostnaður til heimila utan Akureyrar (t.d. Þingeyjarsveit) er hærri þar sem umfang tenginga er mun meira. Reynt er að halda kostnaði í lágmarki og þegar við erum við framkvæmdir á svæðinu tekur Tengir á sig hluta kostnaðar. Auk þess styrkja sveitarfélögin oft lagningu ljósleiðara.

Ef Tengir þarf að fara sér ferð í lagningu ljósleiðara utan Akureyrar, hefur það í för með sér kostnað til viðbótar við grunnkostnað, s.s. vegna flutnings á mannskap og tækjabúnaði.

Stofnkostnaður í þéttbýli

Heimili á Akureyri (600, 603), Dalvík (620) og Ólafsfirði (625)

Á Akureyri, Dalvík og Ólafsfirði er innifalið í stofnkostnaði ljósleiðaratengingar, innanhúslögn á ljósleiðaranum frá inntaki ljósleiðarastrengs að tengiboxi, þar sem staðsetning tengibox er fundin í samráði við viðskiptavin, t.d. inn að sjónvarpi eða tölvu.

• Fjölbýlishús: 24.000,- kr.
• Rað- og parhús: 48.000,- kr.
• Einbýlishús: 96.000,- kr.

Stofnkostnaður í dreifbýli með fasta búseta

Stofnkostnaður vegna ljósleiðara fyrir heimili utan Akureyrar er mismunandi eftir staðsetningu fasteignar þar sem framkvæmdin er miskostnaðarsöm eftir staðsetningu og aðstæðum í kringum fasteignina.

Við erum með grunnstofngjald, sem miðast við að við séum ekki í framkvæmdum á svæðinu og þurfum því að fara sérstaklega í verkið.

Grunnstofngjald: 390.000,- kr.

Innifalin vinna á staðnum, m.a. jarðavegsvinna, rör/ljósleiðari settur inn í hús og frágangur á ljósbreytu innanhúss.

• Grunngjald miðast við að hægt sé að vinna verkið með smærri vinnuvélum.
• Akstursgjald fyrir mannskap og tækjabúnað auk akstursgjalds fyrir tæknimann til tengingar ljósleiðarans, allt að 50 km frá fyrirtæki okkar, Tengir hf. á Akureyri.
• Allt að 100 metra löng ljósleiðaralögn, þ.e. 100 metrar frá stofnlögn ljósleiðara Tengis.
• Frágangur á ljósleiðara innanhúss, uppsetning á ljósbreytu við inntak ljósleiðarastrengs.

Önnur gjöld:

• Akstursgjald (flutningur á mannskap og tækjum): 647,-  /pr.km
• Akstursgjald fyrir tæknimann til tengingar ljósleiðara: 313,- kr/pr.km
• Aukagjald ef fjarlægð meiri en 100 metra frá stofnlögn: 558,- kr. pr.m

Ef fasteign er staðsett lengra en 50 km frá okkur, legst akstursgjald ofan á grunngjaldið. Ef staðsetning fasteignar er í meira en 100 metra fjarlægð frá stofnlögn ljósleiðara okkar, leggst á aukagjald vegna fjarlægðar.

Frágangur ljósleiðarans felur í sér að við setjum upp ljósbreytu við hlið inntaksbox, þ.e. þar sem ljósleiðarinn kemur inn í húsið. Ef húseigandi óskar eftir frekari vinnu við innanhúslögn, t.d. inn að sjónvarpi, er kostnaður vegna þess ekki innifalinn, en verktakar okkar sinna slíkri vinnu sé þess óskað.

Hafir þú einhverjar spurningar er þér velkomið að hafa samband við okkur hjá Tengir og við skoðum málið saman!

Stofnkostnaður ljósleiðaratengingar í frístundahús

Frístundahúsnæði eru í auknum mæli að óska eftir ljósleiðaratengingu en umfang slíkra tenginga er mjög mismunandi. Tenging í frístundahús er ólík tengingu með heilsársbúsetu, þar er oft stopul búseta og kostnaður við framkvæmdina getur verið lengi að borga sig upp. Ef við erum í framkvæmdum á svæðinu getum við í flestum tilfellum boðið lægri stofnkostnað en þegar við þurfum að fara sérstaklega í verkið. 

Grunnstofngjald: 390.000,- kr.

Innifalin vinna á staðnum, m.a. jarðavegsvinna, rör/ljósleiðari settur inn í hús og frágangur á ljósbreytu innanhúss.

• Grunngjald miðast við að hægt sé að vinna verkið með smærri vinnuvélum.
• Akstursgjald fyrir mannskap og tækjabúnað auk akstursgjalds fyrir tæknimann til tengingar ljósleiðarans, allt að 50 km frá fyrirtæki okkar, Tengir hf. á Akureyri.
• Allt að 100 metra löng ljósleiðaralögn, þ.e. 100 metrar frá stofnlögn ljósleiðara Tengis.
• Frágangur á ljósleiðara innanhúss, uppsetning á ljósbreytu við inntak ljósleiðarastrengs.

Önnur gjöld:

• Akstursgjald (flutningur á mannskap og tækjum): 647,-  /pr.km
• Akstursgjald fyrir tæknimann til tengingar ljósleiðara: 313,- kr/pr.km
• Aukagjald ef fjarlægð meiri en 100 metra frá stofnlögn: 558,- kr. pr.m

Ef frístundahús er staðsett lengra en 50 km frá okkur, leggst akstursgjald ofan á grunngjaldið. Ef staðsetning fasteignar er í meira en 100 metra fjarlægð frá stofnlögn ljósleiðara okkar, leggst á aukagjald vegna fjarlægðar.

Frágangur á ljósleiðara í frístundahúsi felur í sér að við setjum upp ljósbreytu við hlið inntaksbox, þ.e. þar sem ljósleiðarinn kemur inn í húsið. Ef húseigandi óskar eftir frekari vinnu við innanhúslögn, t.d. inn að sjónvarpi, er kostnaður vegna þess ekki innifalinn, en verktakar okkar sinna slíkri vinnu sé þess óskað.

Stofnkostnaður ljósleiðaratenginga í fyrirtæki

Stofnkostnaður til fyrirtækja er mismunandi eftir aðstæðum og sækja þarf tilboð hverju sinni til að hægt sé að meta kostnað við slíkar tengingar.

Innheimtukostnaður og skilmálar

GREIÐSLULEIÐIR

Nokkrar leiðir eru í boði til að greiða mánaðargjald ljósleiðara:

• Prentaður reikningur sendur í bréfpósti, greiðslugjaldi 415,- kr.
• Reikningur í heimabanka/tölvupóst, greiðslugjald 158,- kr.
• Rafrænn reikningur, greiðslugjald 188,- kr.  (með auka fylgiblaði, greiðslugjald 219,- kr.)
• Kreditkortasamningur, enginn auka kostnaður.

VANSKIL

1. Símtal frá innheimtustjóra: 950,- kr.
2. Innheimtugjald fellur á ógreiddan reikning 20 dögum eftir gjalddaga: 950,- kr.
3. Innheimtubréf sent heim: 1.250,- kr.
4. Opnunargjald ljósleiðara eftir lokun vegna vanskila: 7.000,- kr.

Haft er samband við skuldara þegar tveir reikningar eru komnir fram yfir eindaga. Þegar þriðji reikningur gjaldfellur verður lokað fyrir tenginguna vegna vanskila án viðvörunar. Ekki er opnað á línu aftur fyrr en búið er að gera upp skuldina og greiða opnunargjald ljósleiðara.

Náist ekki árangur af innheimtu hjá fyrirtækinu eru kröfur sendar í lögfræðiinnheimtu.

Greiðsluskilmálar Tengir

Viðskiptavinur er ábyrgur fyrir allri notkun búnaðarins og þjónustu honum tengdum. Viðskiptavinur ber einnig fulla ábyrgð á greiðslum til Tengir vegna notkunar á ljósleiðaraþjónustu, óháð því hvort notkunin hafi verið heimiluð eða ekki. Glati viðskiptavinur fjarskiptabúnaði í eigu Tengis eða honum  er stolið, ber viðskiptavini að tilkynna það til Tengis tafarlaust.

Nýbyggingar

Gott er að gera ráð fyrir fjarskiptalögnum innanhús strax á hönnunarstigi nýbygginga til þess að hægt sé að nýta sér þjónustu um ljósleiðarann strax og flutt er í húsnæðið.

Á framtíðarheimilum er æskilegt að gera ráð fyrir að netkapalslögnum (Cat5 eða Cat6) og öllum þeim tækjum sem er gert ráð fyrir að nota.

Þessar lagnir þurfa að vera tengdar í miðlægt tæknirými/skáp svo að íbúar hafi val um hvar þeir hafa sjónvörp og tölvur.

Gott að gera ráð fyrir lagnaleið frá inntaksstað að þessum miðlæga stað svo að auðveldara sé að leggja ljósleiðaralögn innanhúss.

Uppsögn á þjónustu

Uppsögn skal senda á uppsogn@tengir.is

• Báðir aðilar, Tengir og viðskiptavinur, geta sagt upp notkun á ljósleiðara Tengis.
• Segi viðskiptavinur upp notkun ljósleiðarans, þarf uppsögn að berast Tengi skriflega, á netfangið uppsogn@tengir.is, eigi síður en 25. dags þess mánaðar til að hún taki gildi um næstu mánaðarmót. Berist uppsögn síðar, tekur hún gildi þar næstu mánaðarmót. 
• Viðskiptavinum er bent á að uppsögn á notkun ljósleiðara jafngildir ekki uppsögn á þjónstu um ljósleiðara, s.s. interneti og sjónvarpsáskrift. Segja þarf slíkri þjónustu upp hjá viðkomandi fjarskiptafélagi. 

Eru framkvæmdir í garðinum og vilt þú gera ráð fyrir ljósleiðaratengingu?

Lögn ljósleiðara um götur og garða felur oft í sér mikið rask þar sem saga þarf sundur stéttar, plægja garða og fleira í þeim dúr, til að mögulegt sé að leggja rör í jörðina sem ljósleiðarinn er síðan settur inn í. Að sjálfsögðu leggjum við alltaf áherslu á að ganga vel frá eftir okkur, hvar sem við komum. Hins vegar er staðreynd að oft sjást eftir okkur ummerki.

Ef þú ert í framkvæmdum á lóð þinni eða í kringum húsið, er sniðugt að hafa samband við okkur varðandi mögulega ljósleiðaralögn.  Við getum skoðað í sameiningu hvar líklegt er að ljósleiðarinn verði lagður og útvegað þér rör fyrir ljósleiðara (þér að kostnaðarlausu) sem þú getur lagt í jörðina.  Með þessum hætti gæti lögn ljósleiðara orðið mun auðveldari en ella þegar að henni kemur!

Persónuverndarstefna Tengis hf.

I. ALMENNT

Persónuvernd þín skiptir Tengir hf. miklu máli. Stefna þessi tekur til persónuupplýsinga hvort sem þeim er safnað og þær varðveittar með rafrænum hætti, á pappír eða með öðrum sambærilegum hætti. Stefnan tekur til skráningar, vörslu og vinnslu á persónuupplýsingum sem falla undir stefnuna. Stefnan er aðgengileg á heimasíðu Tengis hf.

II. PERSÓNUVERNDARLÖGGJÖF

Um meðferð persónuupplýsinga gilda lög um persónuvernd og meðferð persónuupplýsinga eins og þau eru á hverjum tíma, sem og viðkomandi gerðir samningsins um Evrópska efnahagssvæðið. Taka lögin m.a. á vinnslu, vörslu og miðlun persónuupplýsinga.

III. ÁBYRGÐ

Tengir hf. ber ábyrgð á skráningu persónuupplýsinga og meðferð þeirra upplýsinga í starfsemi sinni. Tengir hf., staðsett að Fjölnisgötu 6c, 603 Akureyri, er löglegur stjórnandi þeirra persónuupplýsinga sem þú veitir fyrirtækinu. Hægt er að hafa samband við okkur að Fjölnisgötu 6c, með því að senda skriflega fyrirspurn á personuvernd@tengir.is eða með því að hringja í síma 4600 460.

Um öryggi gagna um fjarskiptameðferð og fjarskiptanotkun gilda ákvæði laga um fjarskipti nr. 81/2003. Þar er að finna sérstök fyrirmæli um meðferð gagnanna og leynd fjarskipta. Allir starfsmenn okkar eru þannig lögum samkvæmt bundnir þagnarskyldu um allt sem tengist fjarskiptaumferð og fjarskiptanotkun. Brot gegn þagnarskyldu varðar allt að tveggja ára fangelsi.

IV. SÖFNUN OG NOTKUN

Til að við getum veitt þér þjónustu þurfum við að mótttaka ýmsar persónuupplýsingar. Þetta eru upplýsingar um nafn, kennitölu, heimilisfang, símanúmer og netfang. Þá geymum við einnig upplýsingar um þann þjónstuaðila sem þú kaupir fjarskiptaþjónustu af. Að auki gætum við þurft að fá frekari upplýsingar um óskir þínar eða þarfir tengdar þjónstunni. Þessar upplýsingar notum við til að:

• Geta stofnað þjónustusamning við þig og haft samband við þig varðandi þjónustuna.
• Geta veitt þér þá þjónustu sem þú óskar eftir.
• Til að geta uppfyllt kaup þín og/eða leigu á þjónstu, búnaði eða öðru.
• Stofnað reikninga vegna stofnkostnaðar ljósleiðara og/eða mánaðarlegs afnotagjalds ljósleiðara Tengis hf.

Persónuvernd á vefsíðum okkar: Þú getur skoðað og notað vefsvæði Tengir hf. án þess að gefa upp nokkrar persónulegar upplýsingar. Við söfnum ekki upplýsingum sem vafri þinn sendir þegar þú nýtir þér þjónustu okkar, þ.e. gögn sem geta falið í sér upplýsingar eins og IP-tölu þína, tegund vafra, útgáfu vafra, síður þjónustunnar sem þú heimsækir, tíma og dagsetningu heimsóknar þinnar, þann tíma sem þú varðir á þessum síðum og önnur talnagögn.

Það kann að vera að við notum vefkökur (e. cookies) og sambærilega tækni til þess að safna upplýsingum um notkun þína á vefsíðum okkar. Þetta gerir okkur kleift að hanna vefsíður okkar þannig að þær gagnist þér sem best.

Notkun á þjónustusíðu okkar ,,Mínar síður“ er hins vegar eingöngu fyrir viðskiptavini okkar og til að komast þangað inn þarf að gefa upp notandanafn og lykilorð. Upplýsingar um umferð viðskiptavina um síðuna eru geymdar til að geta þjónustað þig.

Við geymum upplýsingar um nafn þitt, kennitölu og tegund/umfang/dagsetningu þjónustu til að geta uppfyllt skyldu okkar samkvæmt bókhaldslögum. Einnig geymum við upplýsingar um vörukaup, reikningssögu, reikningsupphæðir, skuldasögu og önnur atriði er tengjast reikningagerð.

V. MIÐLUN

Við seljum aldrei persónuupplýsingar um þig. Við miðlum aldrei persónuupplýsingum til þriðja aðila án þess að samþykki þitt fyrir miðluninni liggi fyrir (sem þér er frjálst að hafna) nema þar sem okkur er það skylt samkvæmt lögum eða í þeim tilvikum sem talin eru upp í IV. kafla eða í næstu málsgrein.

Okkur er heimilt að miðla persónuupplýsingum til þriðja aðila (vinnsluaðila) sem er þjónustuveitandi, umboðsmaður eða verktaki okkar í þeim tilgangi að ljúka við verkefni eða veita þér þjónustu eða vöru sem þú hefur beðið um eða samþykkt. Okkur er einnig heimilt að deila upplýsingum með vinnsluaðilum þegar það er nauðsynlegt til að vernda brýna hagsmuni t.d. við innheimtu á vanskilakröfu. Við afhendum vinnsluaðilunum einungis þær persónuupplýsingar sem eru nauðsynlegar fyrir þá í framangreindum tilgangi og gerum við þá samning þar sem þeir undirgangast skyldu um að halda upplýsingum um þig öruggum og nota þær einungis í framangreindum tilgangi.

Þá er athygli þín vakin á að allt efni sem þú birtir eða deilir á samfélagsmiðlasíðum okkar eru opinberar upplýsingar. Athygli þín er vakin á að með því að tengja saman síðureikning þinn og samfélagsmiðlareikninginn þinn gefur þú okkur leyfi til að deila upplýsingum með veitanda samfélagsmiðlaþjónustunnar og notkun þeirra upplýsinga sem við deilum stjórnast af stefnu samfélagsmiðilsins um persónuvernd. Ef þú vilt ekki að persónuupplýsingum þínum sé deilt með öðrum notendum eða með veitanda samfélagsmiðlaþjónustunnar, skaltu ekki tengja samfélagsmiðlareikninginn þinn við síðureikninginn eða deila efni inn á samfélagsmiðla frá síðunni.

VI. ÞRIÐJU AÐILAR

Persónuverndarstefnan nær ekki til upplýsinga eða vinnslu þriðju aðila en við höfum enga stjórn á né berum ábyrgð á notkun, birtingu eða öðrum verkum þeirra. Við hvetjum þig því til að kynna þér persónuverndarstefnu þriðju aðila, þ.á.m. vefhýsingaraðilum þeirra síðna sem geta vísað á okkar, hugbúnaðarfyrirtækja á borð við Facebook, Apple, Google og Microsoft ásamt þeirri greiðsluþjónustu sem þú kýst að nota.  

Í vissum tilvikum kunnum við að veita þriðju aðilum upplýsingar um þig til að hægt sé að veita umbeðna þjónustu. Sé slíkt gert er gerður vinnslusamningur við þann aðila þar sem sett eru skilyrði um meðferð og öryggi gagna.

Eins og kveðið er á um í lögum um fjarskipti, getur okkur okkur í vissum tilfellum verið skylt að veita opinberum aðilum upplýsingar.

VII. VERNDUN

Tengir hf. leggur mikla áherslu á að vernda vel allar persónuupplýsingar. Við munum tilkynna þér án ótilhlýðilegrar tafar ef það kemur upp öryggisbrot er varðar persónuupplýsingarnar þínar sem hefur í för með sér mikla áhættu fyrir þig. Með öryggisbroti í framangreindum skilningi er átt við brot á öryggi sem leiðir til óviljandi eða ólögmætrar eyðingar persónuupplýsinga eða að þær glatist, breytist, verði birtar eða aðgangur veittur að þeim í leyfisleysi.

Athygli þín er þó vakin á því að þú berð ábyrgð á persónuupplýsingum, t.d. nafni, kennitölu og mynd, sem þú kýst að deila eða senda á almennum vettvangi t.d. í gegnum spjallrás eða Facebook síðu Tengis hf.

Ef þú telur að persónuupplýsingum um þínum hafi verið stefnt í hættu óskum við eftir að fá upplýsingar um það. Einnig er hægt að tilkynna atvik til eftirlitsstofnana. Persónuvernd fer með eftirlit með meðferð persónuupplýsinga og Póst- og fjarskiptastofnun fer með eftirlit með meðferð fjarskiptaupplýsinga og öryggi fjarskiptakerfa. Hægt er að beina kvörtunum til þessara stofnanna ef grunur leikur á um að brotið hafi verið gegn fyrirmælum laga og reglna.

Við viljum einnig taka fram að gagnaflutningur á internetinu er aldrei fullkomlega öruggur. Þér er því bent á að láta okkur umsvifalaust vita ef þú telur hættu á að tilteknar upplýsingar sem þú hefur gefið okkur séu í hættu.

VIII. VARÐVEISLA

Tengir hf. reynir eftir fremsta megni að halda persónuupplýsingum um þig nákvæmum og áreiðanlegum og uppfærir þær eftir þörfum. Við varðveitum persónuupplýsingar um þig í að hámarki tvö ár frá lokum viðskipta nema þú hafir með samþykki þínu veitt okkur heimild til að varðveita þær lengur eða ef okkur er það nauðsynlegt til að uppfylla lagaskyldu. Við munum fara yfir allar persónuupplýsingar um þig einu sinni á ári og endurskoða hvort okkur sé heimilt að varðveita þær áfram. Ef við ákveðum að okkur sé ekki heimilt að varðveita þær áfram, munum við hætta allri vinnslu með persónuupplýsingarnar frá þeim tíma. Ef möguleiki er á að persónuupplýsinganna kunni að vera þörf síðar til að uppfylla lagaskyldur, t.d. gagnvart skattyfirvöldum, eða til að höfða eða verjast réttarkröfu, munum við taka afrit af hlutaðeigandi persónuupplýsingum og varðveita þær á öruggu formi eins lengi og nauðsyn ber til.

IX. RÉTTINDI ÞÍN

Þú átt rétt á og getur óskað eftir eftirfarandi upplýsingum með því að senda skriflega fyrirspurn á personuvernd@tengir.is:

• að fá að vita hvaða persónuupplýsingar eru skráðar um þig og hvernig þær eru tilkomnar og fá aðgang að persónuupplýsingunum,
• að fá upplýsingar um hvernig persónuupplýsingar um þig séu unnar,
• að persónuupplýsingar um þig séu uppfærðar og leiðréttar,
• að persónuupplýsingum um þig sé eytt, ef ekki er lengur málefnaleg ástæða til að varðveita þær,
• að andmæla og / eða takmarka hvernig persónuupplýsingar séu unnar,
• að fá afhendar persónuupplýsingar sem þú hefur látið okkur í té eða að þær séu sendar beint til annars aðila með þeim takmörkunum sem réttindi og frelsi annarra setja,
• að afturkalla samþykki þitt til vinnslu þegar vinnsla byggist á þeirri heimild með sama hætti og þú gafst það eða með því að senda á okkur skriflega fyrirspurn,
• að fá upplýsingar um hvort fram fari sjálfvirk ákvarðanataka, þ.m.t. gerð persónusniðs og þau rök sem þar liggja að baki og einnig þýðingu og fyrirhugaðar afleiðingar slíkrar vinnslu.

Beiðni þín verður tekin til greina og þér afhentar upplýsingarnar (þegar það á við) innan hæfilegs tíma, þó með þeim takmörkunum sem réttindi og frelsi annarra gera, þ.m.t. viðskiptaleyndarmál og hugverkaréttindi. Athygli er vakin á að innheimt er sérstakt ljósritunargjald ef farið er fram á fleira en eitt afrit. Þér verður tilkynnt og gefin skýring ef töf verður á afgreiðslu eða ef ekki er unnt að verði við beiðninni að fullu eigi síðar en mánuði frá móttöku hennar. Þú getur kvartað til Persónuverndar ef við neitum að afhenda þér ákveðnar upplýsingar.

X. BREYTINGAR

Persónuverndarstefnan er endurskoðuð reglulega og kann því að taka breytingum. Þér er því ráðlagt að kynna þér persónuverndarstefnuna reglulega en breytingar á stefnunni öðlast gildi við birtingu á heimasíðu fyrirtækisins; http://www.tengir.is. Við tökum öllum athugasemdum um persónuverndarstefnuna fagnandi og hvetjum þig til að senda okkur fyrirspurn.

Akureyri, 15. júní 2018