Tengir - Framtíðin er ljós...

Ljósleiðari 2011

gunnar@nett.is — Wed, 06 Apr 2011 09:46:40 GMT

Heimatengingar á Akureyri 2011

Með vorinu verður haldið áfram að leggja og tengja í eldri hverfi Akureyrar. Byrjað verður að tengja þar sem flestir íbúar hafa staðfest og ákveðið að hefja strax notkun á þjónustu um ljósleiðaranetið. Hægt er að skipta og dreifa tengigjaldi.

Í fjölbýlishúsum er þegar hægt að hefja lagningu og frágang innanhúslagna frá væntanlegu inntaki í íbúðir áður en inntakslögn verður lögð að og í húsið sem verður þá framkvæmt um leið og aðstæður koma með hækkandi sól.
Ganga þarf frá greiðsluformi upphafsgjalds áður en það er framkvæmt.

Heimasíma, Sjónvarp og Internet þjónustur er þegar hægt að fá um ljósleiðara ásamt ýmsum öðrum sérþjónustum,
kynntu þér málið þannig að ekki komi til að þú getir síðan ekki fengið þær þjónustur sem þú vilt fá afhentar um netið.

Mánaðargjald heimtaugar í notkun er kr. 2.950,- og er greitt mánaðarlega.

Ef einhverjar spurningar eru þá endilega hafið samband með tölvupósti á netfangið heimaljos@tengir.is

Við hvetum allar sem áhuga hafa á að fá samband um ljósleiðara að skrá sig sem fyrst á vefinn hjá okkur.

Heimatengingar á Akureyri 2010

gunnar@nett.is — Fri, 11 Dec 2009 10:19:38 GMT

Með vorinu er fyrirhugað að hefja lagningu og tengingar í eldri hverfi Akureyrar ef nægur áhugi verður. Byrjað verður að tengja þar sem flestir íbúar hafa staðfest og ákveðið að hefja strax notkun á þjónustu um ljósleiðaranetið. Hægt er að dreifa tengigjaldi í allt að 24. mánaða raðgreiðslur kreditkorta eða með öðrum leiðum kortafyrirtækja.

Vinsamlega merkið í viðeigandi reiti hér að neðan eftir tegund húsnæðis en aðeins ef þú ert ákveðin í að taka samband í notkun, þegar lágmarksfjöldi íbúa í stigagangi, raðhúsi eða götu hefur staðfest pöntun fara viðkomandi eignir í framkvæmdaáætlun.
Á þessari síðu geta íbúar séð hversu margir þeim tengdir hafa pantað samband. Ef ekki næst tiltekið lágmark notenda í viðkomandi húsnæði er alltaf í boði að kaupa sér heimtaug miðað við valmöguleika 1. hér að ofan.
Í fjölbýlishúsum er þegar hægt að hefja lagningu og frágang innanhúslagna frá væntanlegu inntaki í íbúðir áður en inntakslögn verður lögð að og í húsið sem verður þá framkvæmt um leið og aðstæður koma með hækkandi sól.
Ganga þarf frá greiðsluformi upphafsgjalds áður en það er framkvæmt.

Heimasíma, Sjónvarp og Internet þjónustur er þegar hægt að fá um ljósleiðara ásamt ýmsum öðrum sérþjónustum,
kynntu þér málið þannig að ekki komi til að þú getir síðan ekki fengið þær þjónustur sem þú vilt fá afhentar um netið.
Allar þjónustuveitur nema Síminn bjóða nú þegar einstaklingum allar tegundir af þjónustu um ljósleiðara.
Mánaðargjald heimtaugar í notkun er kr. 2.950,- og er greitt mánaðarlega með beingreiðslu eða greiðsluseðli.

Ef einhverjar spurningar eru þá endilega hafið samband með tölvupósti á netfangið heimaljos@tengir.is

Ljósleiðaratengingar fyrir heimili.

gunnar@nett.is — Thu, 21 May 2009 11:44:46 GMT

Í sumar er íbúum Naustahverfis boðið að tengjast við ljósleiðaranetið, Vinsamlega hafið samband við þjónustuveitur til að panta tengingu, eða með því að senda tölvupóst á heimaljos@tengir.is Þeir sem eru utan naustahverfis er bent á skráningarsíðu hér til hliðar, þar er hægt að athuga með stöðu á ljósleiðratenginu og skrá viðkomandi heimili.

Þó svo að svarið á síðunni verði að ekki sé boðið uppá að fá tenginu á viðkomandi heimili að svo stöddu flýtir það fyrir möguleikanum þegar áhugasamir íbúar eru búnir að ská sig fyrir tengingu. staðan getur breyst vegna annarra framkvæmda í nágreni heimilis.

Núverandi ljósleiðarakerfi

gunnar@nett.is — Wed, 18 Feb 2009 23:14:31 GMT

Ljósleiðarakerfi Tengis hf nær þegar um stærstan hluta Akureyrar, kerfið er og hefur verið lagt samhliða öðrum lögnum og er þegar í notkun hjá fyrirtækjum á Akureyri.
Við það tengjast þegar bankakerfi, heilbrigðisstofnanir, háskólastofnanir, grunnskólar, framhaldsskólar, hugbúnaðar- og hátæknifyrirtæki. Kerfið er tengt við ljósleiðaranet Fjarska og Mílu sem nær um allt land.

Akureyrarbær semur við Tengi hf. um lagningu ljósleiðarakerfis í bænum

gunnar@nett.is — Tue, 19 Jul 2005 00:00:00 GMT

Akureyrarbær hefur gert samning við Tengi hf. um lagningu ljósleiðara sem víðast um bæinn. Samningurinn felur í sér að Akureyrarbær taki ljósleiðaratengingar inn í þær stofnanir sínar sem ekki eru þegar tengdar við gagnaflutningsnetið, enda verði þjónusta og verð samkeppnishæft við gagnaflutningsleiðir annarra fjarskiptafyrirtækja og flutningsgeta miðuð við þörf viðkomandi stofnunar. Með sömu skilyrðum færir Akureyrarbær heimatengingar starfsmanna sinna yfir á ljósleiðaranetið þegar aðstæður til þess skapast í viðkomandi hverfi.

Ljósleiðaranetið er fullkomnasta gagnaflutningsleið sem þekkt er. Um ljósleiðara er hægt að flytja öll stafræn gögn á ljóshraða. Í tæp þrjú ár hefur staðið yfir tilraun hérlendis þar sem ákveðinn fjöldi heimila hefur verið tengdur ljósleiðarakerfi og notað þjónustu frá ýmsum aðilum sem hafa verið þátttakendur í verkefninu. Nú þegar eru fjölmargir aðilar tilbúnir til að selja þjónustu sína á ljósleiðaranetinu. Búast má við að flestir sem bjóða margmiðlunarefni og fjarskiptaþjónustu nýti sér ljósleiðaranetið sem dreifileið.

Á ljósleiðarakerfinu munu símafyrirtæki og fjarskiptafyrirtæki bjóða hefðbundna símaþjónustu og netaðgang eins og verið hefur og fljótlega má búast við nýjum þjónustuþáttum á þessu sviði. Má þar nefna ókeypis símtöl innanbæjar og myndsímaþjónustu. Dæmi um aðra þjónustu sem verður á ljósleiðarakerfinu er öryggisgæsla (vöktun á húsi /íbúð/hverfi), leiga á hugbúnaði, stakar beinar útsendingar í sjónvarpi, aðgangur að samskiptum við þjónustustofnanir sveitarfélaga, fjarvinnsla, gagnvirk samskipti, til dæmis við heilbrigðisstofnanir eða lækna, og beintengd heimilistæki.

Nánari upplýsingar veitir Gunnar Björn Þórhallsson,
framkvæmdastjóri Tengis í síma 893 1707.

Akureyri 19. júlí 2005